АЛМАТЫДА ПРЕЗИДЕНТ ШЫРШАСЫ ӨТТІ

Бүгін Алматыда 300 балаға арналған дәстүрлі Президент шыршасы өтті. Мемлекет басшысы атынан қонақтарды Алматы әкімі Ерболат Досаев құттықтады. Зор денсаулық, мол табыс және Жаңа жылда барлық арманның орындалуын тіледі.
 
Балалар «Жаңа жылдық сиқыр» музыкалық-интерактивті шоу-спектакліне қатысты. Аяз Ата мен Ақшақар ертегі кейіпкерлерімен бірге шыршаның шамын жақты. Іс-шара соңында бүлдіршіндерге ел Президенті атынан жаңа жылдық сыйлықтар берілді. 

Президент шыршасына мектебіміздің 3-сынып оқушысы Рахатқызы Раяна арнайы қатысып, жаңа жылдық сыйлықтарға ие болды.